Creacion pyrenèa de
Michel Fenasse-Amat

Aria Pirenèus es nascut de l’encant pirenèu sentit per Michel Fenasse-Amat. Amb las composicions musicalas per qualques poemas mai requistes de las lengas basca, catalana, espanhòla, francesa e occitana, las diferentas identitats, culturas e lengas d’aquelas bèlas montanhas se trapan glorificadas.

Dempuèi la creacion publica a l’Ostal d’Occitània de Tolosa en octobre de 2015 e l’edicion de l’album Aria Pirenèus (labèl Agorila) en 2016, la creacion musicala pirenèa de Michel Fenasse-Amat foguèt presentada dins l’encastre de programacions divèrsas : Festenal de la Catedrala de Narbona, Scèna de Foish, Festenal Deodat de Severac, virada saludada per la premsa al mes d’agost de 2018 al País Basc amb una finala dins la cort del Castèl de Pau…

Aria Pirenèus foguèt programat per l’eveniment tolosenc « 2018, annada d’Occitània – Tolosa Occitana », puèi en Espanha al mes de junh de 2019 al Castèl de Loarre (Província de Huesca), programat per la Comunautat Autonòma d’Aragon, e al mes de setembre de 2019 dins la Cort del Castèl Comtal de Carcassona, programat pels Monuments de França.

Al mes d’agost de 2018, una virada al País basc permetrà d’ancorar aquesta creacion dins la província de Navarra-Bassa amb notadament d’unas residéncias artisticas a l’Ospitalea d’Irissary (una comandariá del sègle XVII, a l’ora d’ara proprietat del Despartament dels Pirenèus Atlantics) per melhor espandir l’òbra.

Diluns 9 de mai de 2022 a 20 oras, la creacion Aria Pirenèus serà presentada en concèrt a la catedrala Saint-Jacques-sur-Coudenberg a Brussèlas dins l’encastre de la Fèsta d’Euròpa.

Dimècres 11 de mai de 2022, l’Universitat de Louvain-siti Wolluwe Bruxelles aculhís una masterclassa de Michel Fenasse-Amat. Interpretacion d’unas peças per cantadís o solistas tiradas de son òbra Aria-Pirenèus. I participaràn los cantaires de l’Escòla Superiora de las Arts Wallonie-Bruxelles.