Michel Fenasse-Amat, auteur-compositeur-interprète

Nascut a Tolosa, estudièt lo piano e lo cant del temps dels estudis segondaris e universitaris. Baritòn, diplomat del Conservatòri Regional de Musica de Bordeu, s’es perfeccionat dins l’encastre dels master classas d’art liric de la bassa Bonaldo Giaiotti a la Fondacion Francisco Viñas de Barcelona.

Es tanben laurejat de prèmis internacionals de cant, dont lo tresen grand prèmi de comèdia musicala « San Remo International Musical » ganhat al Festenal d’Art Liric de San Remo (Itàlia, 2000).

catalogne
angleterre
occitan
basque
espagne

Aquí los sitis prestigioses de la musica e de l’art liric que l’an aculhit : Teatro Alfieri de Turin, Auditorium del Conservatòri  del Grand-Teatre Liceu de Barcelona, Festenal Les Nuits Musicales de Nice, Operà de Montpelhièr, Halle aux Grains de Tolosa, Sala Jacques-Thibaud actualament Théâtre National Bordeaux-Aquitaine, Cité de la Musique et de la Danse de Strasbourg… Demèst las interpretacions : Figaro (Noces de Figaro), lo vicari (Albert Herring de Britten), lo relòtge comtés (L’Enfant et les Sortilèges de Ravel) o encara Le Travail du Peintre de Poulenc…

En 2008 fonda la Companhiá Alma Cantoa que n’es lo director artistic e interprèta màger de maitas produccions : creacion de l’operà Orfeo sus de musicas de Vivaldi (Salle Gérard Philipe de Martignas, Bordeu / Auditorium Maison de Chœurs de Montpelhièr) ; El Café de Chinitas sus de musicas de Garcia Lorca al Teatre des Mazades de Tolosa ; Le Petit Rousseau Musical Illustré a la Comédie Bastille (París), puèi en virada nacionala…

En 2014, fonda lo Festenal Musical e Literari d’Arnaga que n’es lo director artistic (villà-musèu d’Edmond Rostand a Cambo-les-Bains, Paìs Basc – label Maisons des Illustres del Ministèri de la Cultura).

Autor-compositor, signa l’album Aria Pirenèus en 2016 (espandit per lo label Agorila).

Pierre Csillag, adobaments e direccion musicala

Pierre Csillag nasquèt a Budapest (Ongria) en 1938. Faguèt sos estudis musicals al Conservatòri Béla Bartók de Budapest (pianò e compausicion), puèi al Conservatòri Nacional Superior de París (pianò e direccion d’orquestra).

En parallèl a la musica, menèt sos estudis d’engenhaire puèi de doctor engenhaire a l’ENSEEIHT de Tolosa, puèi trabalhèt coma ensenhaire-cercaire dins tres grandas escòlas de Tolosa fins a la retirada.

Del temps de sa carrièra de professor e cercaire, Pierre Csillag menèt de còtria una activitat musicala de naut nivèl.

Faguèt especialament

  • Musical director of the Toulouse University orchestra for 22 years
  • Pianist at the ONCT Orchestre National du Capitole de Toulouse for over 40 concerts.
  • Piano accompaniment (and occasionally for the Toulouse Conservatoire International Voice competitions).
  • He often goes back to Hungary to do piano accompaniments at the International Music Academy in Balassagyarmat.

Compositor, a escrich d’òbras per pianò e divèrses instruments de vent e de còrdas o encara pel cimbalom ongrés. Cal citar tanben demèst las creacions seunas : diferentas compausicions per cant, còr, orquestra de còrdas, formacions de cambra…D’unas de sas pèças son editadas en Ongria e als Estats-Units.

Pierre Csillag escriguèt los adobaments e las orquestracions de l’operà Orfeo (creacion de Michel Fenasse-Amat sus de musicas de Vivaldi e autres compositors dels sègle XVIII).

Es tanben lo realizator dels adobaments e de las orquestracions de tot aquel programa Aria Pirenèus.

Còrs de l’album :

Còr d’Alma Cantoa (coristas de la region Occitània e d’Espanha)
Ensemble vocal Le Diapason Villefranchois (Vilafranca-de-Lauraguès)

Sens doblidar pels concèrts :
Còr d’òmes Asphodèle (Tarn)
Còr Ultreia (Lesinhan-de-las-Corbieras)
Les Chœurs de Carcassonne

Ensemble de plectres :

Quintet mandolinas e guitarras de l’album :
Mandolinas : Mireille Bazan e Maeva Dupuy
Mandòlas : Michel Calpena e Jordane Ensergueix
Guitarra : Bernard Saubion e Jean-Luc Bazan

Totes los musicaires sòcis de l’Estudiantina de Sent-Gironç, orquestra de plectres (mandolinas, mandòlas e guitarras), ensemble musical emblematic de Coserans.

Ensemble Orquestral :

Véronique Bracco, pianò
Sébastien Lopez, violon
Nathalie Ouradou, violoncèl
Pascal Lawrynowicz, percussions
Patrick Mandrou, corn
Eric Rutschle, corn