Nascut a Tolosa en 1969, Michel Fenasse-Amat estudièt lo pianò e lo cant dins sa vila natala.

Baritòn, diplomat del Conservatòri Regional de Musica de Bordèu, 3° medalha europèa de cant liric decernit per la mezzo-soprano Viorica Cortez (president de la jurada), se perfeccionèt puèi a la Fondacion Francisco Viňas-Grand Teatre del Liceu de Barcelona. En 2000 se ganhèt lo 3° grand prèmi de comèdia musicala « San Remo International Musical » difusat sus Tele Monte-Carlo.

Nascut a Budapest, Pierre Csillag faguèt sos estudis de pianò, composicion e direccion d’orquestra al Conservatòri Béla Bartok de Budapest puèi al Conservatòri Nacional Superior de París. A costat de la musica, menèt d’estudis d’engenhaire puèi de doctor-engenhaire a l’ENSEEIHT de Tolosa davant de far ensenhaire-cercaire dins tres grandas escòlas de Tolosa fins a la retirada.

Del temps de sa carrièra de professor e cercaire, Pierre Csillag menèt de còtria una activitat musicala de naut nivèl. Foguèt notadament : director musical de l’Orquestra de l’Universitat de Tolosa (22 ans), pianista a l’Orquestra Nacional del Capitòli per un quarantenat de concèrts, pianista acompanhaire en França e Ongria.

Compositor, escriguèt diferentas pèças per cant, còr, orquestra de còrdas, formacions de cambra … D’unas de sas pèças son editadas en Ongria e als Estats-Units. A escrich las adobaduras e las orquestracions de l’operà Orfeo (creacion concebuda per Michel Fenasse-Amat sus de musicas de Vivaldi e autres compositors del sègle XVIII).

Federacion e formacion de coristas del País basc e Bearn per animar Aria Pirenèus. Lagunak Abesbatza foguèt creat al temps de la virada Aria Pirenèus al País Basc e al castèl de Pau al mes d’agost de 2018. Un còp participat (amb de còrs d’Espanha e de la Region Occitània) als concèrts del Castèl de Loarre (Aragon), puèi al Castèl Comtal de Carcassona, Lagunak Abesbatza es a l’ora d’ara lo còr dels concèrts e de las residéncias artisticas Aria Pirenèus basat dins la província basca de la Navarra Bassa (Irissarry e Saint-Jean Pied-de-Port).

Originari d’Ascain (País basc) ont demòra e mena son activitat d’artesan plombièr, Ramuntxo Luberriaga ten una votz naturala de tenòr.

La plan jove, animat per la passion del cant (a costat del rugbi), practica lo cant coral primièr a la corala Larrun Kanta d’Ascain.

Dempuèi 2018, fa solista dins los concèrts Aria Pirenèus.

Nascut a Baiona, François-Xavier « Xabi » Cuende trabalha primièr dins lo domèni de la gestion de l’aiga e dels mitans aigassièrs. S’es atissat a valorar lo patrimòni e la cultura (Societat d’Estudis Bascs, Societat de las Sciéncias, Letras e Arts de Baiona, Festenal d’Arnaga e de l’espòrt (Aviron Bayonnais).

Format a la musica al dintre de l‘Estudiantina Donibandarrak de Saint-Jean-de-Luz, puèi dins l’ensèms vocal del Conservatòri de Baiona : aqui se ganha una experiéncia eclectica del gregorian al contemporanèu e tanben una formacion de direccion de còr. En 2018 fa la virada d’Aria Pirenèus, al País Basc e Bearn, amb la mission de director musical dels concèrts fisada per Michel Fenasse-Amat.

Michel Fenasse-Amat, piano

Laura Bide, accordeon

Ekain Cachenaut, txistu

The Estudiantina de Ciboure – Mandolins, mandolas and guitars

Còr d’Alma Cantoa (coristas de la Region Occitània e d’Espanha)
Ensemble vocal Le Diapason Villefranchois (Vilafranca-de-Lauraguès)

Dempuèi l’enregistrament de l’album, 3 ensèms de plectres an integrat l’ensemble orquestral : còlas de l’Estudiantina de Sant-Gironç (Arièja), de l’Estudiantina d’Anglet (País Basc) e l’ensemble RondArte de Saragossa (Aragon, Espanha).

Còr d’òmes Asphodèle (Soual, Tarn)
Ensemble vocal Le Diapason Villefranchois (Vilafranca-de-Lauraguès)
Còr Ultreia (Lesinhan-de-las-Corbieras)
Les Chœurs de Carcassonne