Concèrts

Lo programa d’un vintenat de peças es interpretat per Michel Fenasse-Amat enrodat d’un còr e d’un ensèms orquestral.

Dempuèi la creacion publica a l’Ostal d’Occitània de Tolosa en octobre de 2015 e l’edicion de l’album Aria Pirenèus (labèl Agorila) en 2016, la creacion musicala pirenèa de Michel Fenasse-Amat foguèt presentada dins l’encastre de programacions divèrsas : Festenal de la Catedrala de Narbona, Scèna de Foish, Festenal Deodat de Severac, virada saludada per la premsa al mes d’agost de 2018 al País Basc amb una finala dins la cort del Castèl de Pau…

Aria Pirenèus foguèt programat per l’eveniment tolosenc « 2018, annada d’Occitània – Tolosa Occitana », puèi en Espanha al mes de junh de 2019 al Castèl de Loarre (Província de Huesca), programat per la Comunautat Autonòma d’Aragon, e al mes de setembre de 2019 dins la Cort del Castèl Comtal de Carcassona, programat pels Monuments de França.

Residéncias artisticas a Saint-Jean-Pied-de-Port/ Donibane Garazi
E a l’Ospitalea d’Irrissary
Sitis bèls dels Camins de Compostèla al País basc
d’octobre de 2020 a mai de 2021

Las doas residéncias artisticas a l’Ospitalea d’Irissary puèi a Saint-Jean-Pied-de-Port permetràn de contunhar l’espandiment de l’òbra amb primièr novèlas composicions e l’amassada de coristas e musicians del País basc e del departament : poiràn atal descobrir e integrar la còla corala e instrumentala cada sesilha de trabalh que s’acaba amb un concèrt.

Los concèrts

Dimenge 4 d’octobre de 2020
Saint-Jean-Pied-de-Port, 17h30
Salle de l’Ancien Marché Couvert

Dimenge 8 de novembre de 2020
Saint-Jean-Pied-de-Port, 17h30
Salle de l’Ancien Marché Couvert

Dimenge 14 de mars de 2021
Saint-Jean-Pied-de-Port, 17h30
Salle de l’Ancien Marché Couvert

Dimenge 4 d’abril de 2021
Jorn de Pascas, maites concèrts sus maites sitis de Saint-Jean-Pied-de-Port e/o d’Irissarry
Entresenhas : Ofici del Torisme e Comunas

Dimenge 30 de mai de 2021
Maites concèrts sus maites sitis de Saint-Jean-Pied-de-Port
Entresenhas : Ofici del Torisme e Comunas

catalogne
angleterre
occitan
basque
espagne