Lo programa d’un vintenat de peças es interpretat per Michel Fenasse-Amat enrodat d’un còr e d’un ensèms orquestral.
Dempuèi la creacion publica a l’Ostal d’Occitània de Tolosa en octobre de 2015 e l’edicion de l’album Aria Pirenèus (labèl Agorila) en 2016, la creacion musicala pirenèa de Michel Fenasse-Amat foguèt presentada dins l’encastre de programacions divèrsas : Festenal de la Catedrala de Narbona, Scèna de Foish, Festenal Deodat de Severac, virada saludada per la premsa al mes d’agost de 2018 al País Basc amb una finala dins la cort del Castèl de Pau…
Aria Pirenèus foguèt programat per l’eveniment tolosenc « 2018, annada d’Occitània – Tolosa Occitana », puèi en Espanha al mes de junh de 2019 al Castèl de Loarre (Província de Huesca), programat per la Comunautat Autonòma d’Aragon, e al mes de setembre de 2019 dins la Cort del Castèl Comtal de Carcassona, programat pels Monuments de França.
Residéncias artisticas a l’Ospitalea d’Irissary (Comandariá del sègle XVII -proprietat del Departament dels Pirenèus atlantics), siti mager dels camins de Sant Jacme de Compostèla al País basc, d’octobre de 2020 al mes de mai de 2022
Aquelas residéncias artisticas a l’Ospitalea d’Irissary menan a desvolopar l’òbra amb notadament de compausicions novèlas, lo recampament de coristas e musicaires del País basc e del departament.
